Meqë Tesla po përgatitet për fillimin e prodhimit masiv të kamionit elektrik Tesla Semi, i planifikuar për vitin e ardhshëm, disa dizajnerë industrialë po shqyrtojnë mundësitë e përdorimit të kësaj platforme përtej segmentit të transportit, si për shembull në karavanin Tesla Semi.
Karavani shpesh asocirohet me lirinë e lëvizjes dhe mundësinë për të ndryshuar shpesh vendet. Ideja që mund të shkosh në udhëtim me shtëpinë tënde për të eksploruar dhe për të marrë përvoja të reja, duket tejet atractive për shumë njerëz.
Kompania Vanlifer, e specializuar në dizajnimin e karavanëve për klientët dhe ofrimin e tyre për qira, beson se Tesla Semi do të jetë një platformë e shkëlqyer për këtë kategori mjetesh.
«Koncepti ynë Tesla Semi-Home është një mjet me gjashtë vende, me një kuzhinë të plotë, hapësirë jetese, tualet dhe të gjithë aksesorët e tjerë karakteristikë për karavanët dhe SUV-të luksoze», thuhet në përshkrimin e konceptit të karavanit nga Vanlifer.
Burimi: 3dnews.ru
