Banka daneze shlyen klientët për kreditë ipotekare të marra

Jyske Bank, banka e tretë më e madhe në Danimarkë, njoftoi javën e kaluar se klientët e saj tani mund të marrin një kredi hipotekore 10 vjeçare me një normë interesi të fiksuar prej -0,5%, që do të thotë se klientët do t'i kthejnë bankës një shumë më të vogël se sa kanë marrë.

Me fjalë të tjera, nëse do të blinim një shtëpi me kredi prej $1 milion dhe do ta shlyenit plotësisht hipotekën brenda 10 vjetësh, do t'i kthenit bankës vetëm $995 mijë.

Për të qenë të drejtë, është për t'u theksuar se edhe në kushte me normë interesi negative, bankat shpesh ngarkojnë tarifa që lidhen me procesin e kreditimit. Kjo do të thotë se klientët përfundimisht do të paguajnë një shumë më të madhe sesa ajo që kanë marrë me qira.

"Kjo është një kapitull tjetër në historinë e hipotekës. Disa muaj më parë do të kishim thënë se kjo ishte e pamundur, por vazhdojmë të habitemi, dhe kjo hap mundësi të reja për pronarët e shtëpive," tha Mikkel Høegh, economist i kredive për strehim në Jyske Bank në një intervistë për televizionin danez.

Norma negative e Jyske Bank është njëra nga seritë e fundit të ofertave shumë të ulëta të interesit nga bankat për pronarët e shtëpive në Danimarkë.

Sipas The Local, kreditori më i madh në Skandinavi, Nordea Bank, njoftoi se do të ofronte hipotekë me normë fiks të interesit për 20 vjet me 0%. Sipas Bloomberg, disa kredi daneze ofrojnë hipotekë 30-vjeçare me normë 0,5%.

E duket e paarsyeshme që bankat të japin kredi me norma kaq të ulëta, por ka një shpjegim për këtë.

Të gjitha tregjet financiare janë në një gjendje të paqëndrueshme dhe të pasigurt. Faktorët e rrezikut përfshijnë luftën tregtare në vazhdim mes SHBA-së dhe Kinës, Brexitin dhe përgjithësisht ngadalësimin ekonomik në të gjithë botën, sidomos në Evropë.

Shumë investitorë janë të frikësuar nga një krizë financiare në të ardhmen e afërt. Prandaj, disa banka janë të gatshme të japin para në kredi me norma negative, duke marrë përsipër humbje më të vogla sesa duke rrezikuar humbje më të mëdha për të dhënë kredi me norma më të larta, të cilat klientët nuk do të ishin në gjendje t'i kthente.

Burimi: 3dnews.ru