Kompania Google ka ndërmend të thjeshtojë procesin e mësimit të shqiptimit të fjalëve. Për këtë, një funksion i ri është integruar në motorin e kërkimit Google, i cili do të lejojë praktiken e shqiptimit të fjalëve të vështira. Përdoruesit do të mund të dëgjojnë si shqiptohet saktësisht një fjalë. Po ashtu, ata mund ta thonë fjalën përmes mikrofonit të telefonit të mençur, ndërsa sistemi do ta analizojë shqiptimin dhe do të sugjerojë çfarë duhet të ndryshohet për të arritur rezultatet optimale.
Sipas të dhënave të disponueshme, baza e funksionit të ri është teknologjia e njohjes së zërit, e cila në procesin e analizës ndan fjalët në fraksione të veçanta të zërit. Pas kësaj hyn në lojë një sistem i bazuar në mësimin e makinerisë, që përcakton saktësinë e shqiptimit dhe ofron rekomandime për përdoruesin. Aktualisht, funksioni i ri është i disponueshëm për fjalët që shqiptohen në gjuhën angleze, ndërsa më vonë do të shtohet mbështetje për gjuhën spanjolle.
Një funksion tjetër i ri ka të bëjë me shtimin e imazheve vizuale për përkufizimet e fjalëve. Nëse përdoruesi kërkon shqiptimin e një fjale të huaj, mesazhi me zë do të shoqërohet nga një imazh përkatës. Në fazën fillestare, imazhet do të shoqërojnë vetëm kërkesat e lidhura me emra të përfytyrueshëm, të përkthyer në anglisht. Në të ardhmen, zhvilluesit planifikojnë të zgjasin numrin e gjuhëve të mbështetura, dhe imazhet do të shoqërojnë edhe pjesë të tjera të ligjëratës.
Në kompani mendojnë se funksionet e përmendura më parë do të jenë të dobishme për njerëzit që studiojnë gjuhë të huaja. Për më tepër, motorin e kërkimit do të fitojë një funksion edukativ përveç mundësive themelore. Zhvilluesit nuk saktësojnë se kur funksionet e reja do të përkrahin më shumë gjuhë, pasi aktualisht ato janë në fazën e testimit.
Burimi: 3dnews.ru
