Google ka planifikuar lançimin e versionit beta të Android 11 më 1 qershor, dhe ngjarja e njoftimit të këtij eventi do të zhvillohet në online më 3 qershor, pasi konferenca tradicionale I/O u anulua për shkak të pandemisë së coronavirusit. Ngjarja do të transmetohet në orën 18:00 sipas kohës së Moskës.
Google gjithashtu do të publikojë 12 ligjërata që përshkruajnë veçoritë e sistemit të ri operativ, të cilat do të zbulojnë tema bazë, siç janë novitetet në ndërfaqen përdoruesit. Përveç kësaj, do të jepen informacione për zhvilluesit dhe detaje rreth risive në ekosistemin Google Play.
Ka gjithashtu mundësi që gjatë ngjarjes të prezantohet smartfoni buxhetor Google Pixel 4a, megjithëse disa burime jozyrtare raportojnë se lansimi i kësaj pajisjeje të pritur është shtyrë deri në mes të korrikut. Kujtojmë se Pixel-i i ri buxhetor do të bazohet në çipin Qualcomm Snapdragon 730 dhe do të shërbejë si konkurrues kryesor për Apple iPhone SE, i prezantuar muajin e kaluar.
Sipas të dhënave paraprake, çmimi i ri smartphone do të fillojë nga $349 për versionin me 64 GB memorie.
Burimi: 3dnews.ru
