Microsoft lëshoi një update të ri për shfletuesin e tij Edge në Apple App Store. Versioni i ri 44.13.1 sjell dy funksione të freskëta, të cilat kanë si qëllim të rrisin tërheqjen e produktit për përdoruesit e iOS.
Së pari, përdoruesit e iPhone dhe iPad, që preferojnë shfletuesin Microsoft mbi Apple Safari, tani kanë mundësinë të aktivizojnë funksionin e parandalimit të gjurmimit, dhe sipas dëshirës mund të zgjedhin bllokimin bazik, të balancuar ose maksimalisht të rreptë. Ky funksion mund të aksesohet në menynë e cilësimeve.
Së dyti, tani ka një opsion të ri për sinkronizimin e shënimeve, fjalëkalimeve dhe të dhënave të tjera me shfletuesin e ri të desktopit Microsoft Edge (baze në motorin Chromium). Disponohet gjithashtu mundësia e zgjedhjes së sinkronizimit me Edge-n e lënë pas, i cili evoluoi mbi motorin e tij të vet.
Siç është zakonisht, përditësimi i ri për iOS sjell gjithashtu disa rregullime të përgjithshme të gabimeve dhe përmirësime në performancë. Mund ta shkarkoni përditësimin ose ta instaloni shfletuesin .
Burimi: 3dnews.ru
