Sipas burimeve në internet, kompania Google planifikon të lëshojë një aplikacion që do të bashkojë shërbimin e postës Gmail, hapësirën cloud Google Drive, si dhe mesazherin korporativ Hangouts.
Me sa duket, aplikacioni i ri i Google po krijohet për të tërhequr vëmendjen e klientëve korporativë, të cilët janë kaluar në përdorimin e shërbimeve të kompanive konkuruese, përfshirë Microsoft. Për shembull, shërbimet Microsoft Teams dhe Slack ofrojnë përdoruesve funksione të ndryshme për konferenca me zë dhe video, si dhe integrim me shërbime cloud si Dropbox dhe Salesforce. Aktualisht, Google nuk mund të ofrojë për përdoruesit korporativë G Suite diçka të ngjashme.
Është e rëndësishme të theksohet se në momentin e lansimit, mesazheri Google Hangouts ishte i destinuar për tregun e konsumatorëve, por më vonë u orentua kryesisht ndaj përdoruesve korporativë. Aktualisht, ai është ndarë në disa produkte të veçanta, duke përfshirë video-chat Hangouts Meet, mesazherin tekstor Hangouts Chat, si dhe versionin standard që kombinon funksionalitetet e aplikacioneve të përmendura.
Të gjitha versionet e Hangouts vazhdojnë të ekzistojnë, pasi në mesin e vitit të kaluar Google shpalli shtyrjen e datës së mbylljes së versionit standart të Hangouts. Kështu, aplikacionet e përmendura më parë ekzistojnë paralelisht me versionet për përdoruesit e Hangouts, si dhe zgjidhje të tjera të ngjashme si Google Chat, Google Duo dhe Google Voice. Futja e një platforme të re komunikimi apo diçka të ngjashme mund ta bëjë akoma më të ndërlikuar ekosistemin e shërbimeve ekzistuese të Google të destinuara për komunikim.
Burimi: 3dnews.ru
