Google filloi procesin e mbylljes së rrjetit social Google+

Sipas burimeve në internet, kompania Google ka filluar procesin e mbylljes së rrjetit të saj social, që nënkupton fshirjen e të gjitha llogarive të përdoruesve. Kjo do të thotë se zhvilluesi ka hequr dorë nga përpjekjet për të konkurruar me Facebook, Twitter dhe të tjerë.  

Rrjeti social Google+ kishte një popullaritet relativisht të ulët ndër përdoruesit. Ka pasur gjithashtu disa rrjedhje të mëdha të të dhënave, si rezultat i të cilave informatat për dhjetëra miliona përdorues të platformës mund të kishin rënë në duar të treta. Për shkak të rrjedhjes së parë, të dhënat e së cilës ishin mbajtur sekrete për disa muaj, u mor një vendim për të ndalur funksionimin e Google+. Rrjedhja e dytë e të dhënave e nxiti zhvilluesit të përshpejtojnë këtë proces. Fillimisht ishte parashikuar mbyllja e rrjetit social në gusht të këtij viti, por tani është shpallur se kjo do të ndodhë tashmë nëprill.

Në kompani e pranuan se platforma Google+ nuk përmbushi pritjet për rritjen e numrit të përdoruesve. Përfaqësuesit e Google thonë se përpjekjet dhe zhvillimi i gjatë nuk ndihmuan rrjetin social të arrijë popullaritet ndër përdoruesit. Vlen të theksohet se edhe pse publiku ishte modest, Google+ për shumë vite përfaqësonte një komunitet të besnikëve që vazhdojnë ta përdorin rregullisht projektin.

Data e saktë e ndalimit të të gjitha shërbimeve të rrjetit social nuk është shpallur. Po kryhen gradualisht ndalimi i llogarive të përdoruesve dhe fshirja e të dhënave. Llomotitë për mbylljen e Google+ do të përfundojnë plotësisht gjatë këtij muaji. 

Burimi: 3dnews.ru