Projekti Loon për ofrimin e aksesit në internet me bandë të gjerë përmes balona ka gjetur mbështetje të gjerë në sektorin teknologjik. Kujtojmë se implementimi i tij është nën përgjegjësinë e "filialit" të grupit Alphabet Inc, Loon LLC, dhe kompanisë HAPSMobile, pjesë e SoftBank Group Corp.
Në fund të kësaj jave, një grup kompanish telekomunikacionesh, teknologjie, aviacioni dhe hapësire, përfshirë Airbus Defence and Space dhe Softbank Corp., shpalli formimin e një partneriteti të quajtur HAPS Alliance. Qëllimi i shpallur i aleancës është të nxisë përdorimin e mjeteve fluturuese në stratosferën e Tokës për të reduktuar diferencën digjitale dhe të ofrojë akses në internet për më shumë njerëz në zonat e largëta të planetit.
HAPSMobile, Loon, AeroVironment, Airbus Defense and Space, Bharti Airtel Limited, China Telecom Corporation, Deutsche Telekom, Ericsson, Intelsat, Nokia Corporation, SoftBank Corp. dhe Telefónica — të gjitha këto kompani kanë marrë përsipër angazhimin për t'u bashkuar me aleancën HAPS, e cila fillimisht ishte një nismë nga HAPSMobile dhe Loon.
Aleanca e zgjeruar ka si qëllim krijimin e një ekosistemi të përbashkët të stacioneve bazuar në platformat telekomunikuese në lartësi (HAPS) dhe promovimin e rregullimeve të njëjta dhe standardeve ndër-industriale për mjetet fluturuese që transportojnë pajisje rrjeti në balona (në rastin e Loon) dhe pajisjet fluturuese pa pilot HAPSMobile. Të dy sistemet funksionojnë me energji diellore.
Loon tashmë ka nënshkruar marrëveshje me operatorët e telekomunikacionit në dhe . Teknologjia e saj lejon akses në internet për zonat e largëta me dendësi të ulët popullsie ose në territore malore, dhe siguron shërbim në raste katastrofash natyrore.
HAPSMobile, krijimi i drejtorit teknologjik të SoftBank Corp., Junichi Miyakawa, planifikon të komercializojë shërbimet e saj në vitin 2023.
Burimi: 3dnews.ru
