Shërbimi i policisë metropolitane të Londrës ka filluar të përdorë teknologjinë e njohjes së fytyrës në kohë reale (LFR – Live Facial Recognition). Njoftimi përkatës është publikuar në faqen e internetit të agjencisë. Në polici janë të sigurt se kjo do të ndihmojë në luftimin e krimeve të rënda, përfshirë dhunën, përdorimin e armëve zjarri dhe më shumë.
Në vende kyçe të qytetit janë instaluar kamera speciale që skanojnë fytyrat e kalimtarëve, duke paralajmëruar oficerët e policisë në raste kur një person identifikohet nga sistemi si një kriminel në kërkim. Policia siguron se fotot e marra nga kamerat, të cilat nuk lidhen me krimin, nuk ruhen dhe nuk përpunohen nga asnjë platformë tjetër. Vendimi për ruajtjen e imazheve do të merret nga zyrtarët e shërbimit të policisë.
Megjithëse autoritetet ligjore janë të sigurt për përdorshmërinë e sistemit LFR, shumë e shohin atë me skepticizëm, duke e quajtur joefektive dhe në disa raste të paligjshme. Për shembull, në prill të vitit të kaluar, studiuesit nga Universiteti i Essexit zbuluan se niveli i gabimeve gjatë funksionimit të sistemit LFR mund të arrijë deri në 81%. Vitin e kaluar, teknologjia filloi të përdorej nga policia e Uellsit të Jugut. Gjatë përdorimit të saj, rreth 2300 njerëz të pafajshëm u ndaluan nga oficerët si potencionë kriminelë.
Duhet të theksohet se policia londineze filloi të implementojë sistemin LFR në një kohë jo shumë të përshtatshme. Disa ditë më parë u bë e ditur se ligjvënësit evropianë përdorimin e teknologjive të njohjes së fytyrës në vende publike në territorin e Bashkimit Evropian për një periudhë deri në pesë vjet. Propozimi përkatës do të shqyrtohet muajin e ardhshëm.
Burimi: 3dnews.ru
