Kompania Microsoft zyrtarisht publikoi në rrjet versionet e para të navegadorit të azhurnuar Edge. Aktualisht, bëhet fjalë për versionet Canary dhe ato për zhvilluesit. Beta pritet të lansohet së shpejti dhe të azhurnohet çdo 6 javë. Në kanalin Canary, azhurnimet do të jenë të përditshme, ndërsa në Dev — çdo javë.
Versioni i ri i Microsoft Edge është i bazuar në motorin Chromium, që i lejon atij të përdorë zgjerime për Chrome. Është shpallur sinkronizimi i shenjave, historisë së vizitave dhe plug-inve të instaluar më parë. Për këtë, përdoret një llogari Microsoft.
Po ashtu, versioni i ri ka marrë rrokullisje të butë të faqeve të internetit, integrim me Windows Hello dhe funksionimin normal të tastaturës me prekje. Megjithatë, ndryshimet nuk janë vetëm të brendshme. Navegatori i ri ka marrë stilin e njohur Fluent Design, dhe në të ardhmen priten mundësi për personalizimin e thelluar të tab-eve dhe mbështetje për shkrimin me dorë.
"Ne po punojmë drejtpërdrejt me ekipet e Google dhe komunitetin Chromium dhe e vlerësojmë diskutimin e hapur dhe bashkëpunues. Disa funksione ende nuk janë të plota në navegadorin që mund të instaloni sot, prandaj ndiqni azhurnimet," tha Joe Belfiore, nënkryetar i korporatës Microsoft.
Aktualisht janë të disponueshme vetëm versionet në anglisht për Windows 10 me 64-bit. Në të ardhmen pritet mbështetje për Windows 8, Windows 7 dhe macOS. Versionet Canary dhe Dev mund të shkarkohen në faqen zyrtare të korporatës nga Redmond. Megjithatë, duhet të theksohet se navegadorin e ri po e testojmë, kështu që mund të ketë gabime. Kështu që, nuk është e rekomandueshme të përdoret në punë të përditshme.
Burimi: 3dnews.ru
