Brajzeri i ri Microsoft Edge bazuar në Chromium do të ketë një përkthyes të vetin të integruar, i cili do të jetë në gjendje të përkthejë automatikisht faqet e internetit në gjuhë të tjera. Përdoruesit e Reddit zbuluan se Microsoft e aktivizoi pa u vënë re këtë funksion të ri në Edge Canary. Ai e shtyn ikonën e Microsoft Translator direkt në shiritin e adresës.
Tani, sa herë që brayzeri ngarkon një faqe interneti në një gjuhë që është e ndryshme nga ajo e vendosur në sistem, Microsoft Edge mund ta përkthejë automatikisht. Ky funksion punon ngjashëm me motorin e përkthimit në Google Chrome, dhe për momentin, duket se Microsoft thjesht po bën eksperimentin me një numër të kufizuar pajisjesh.
Opsioni ofron përkthim automatike të faqeve në gjuhë të tjera, gjithashtu ka mundësinë për të zgjedhur gjuhë specifike. Siç ndodh edhe në Google Chrome, përdoruesit mund të kalojnë midis faqes origjinale dhe versionit të përkthyer.
Derisa, për momentin, kjo mundësi është vetëm në Edge Canary, e cila përditësohet çdo ditë. Prandaj, kjo mundësi ndoshta është në fazën fillestare dhe mund të mbetet në zhvillim për një kohë të gjatë. Megjithatë, nuk ka dyshim se Microsoft do ta shtojë atë më vonë dhe në versionin stabil të brayzerit.
Gjithashtu vlen të theksohet se shtesat për përkthim janë gjithashtu të disponueshme në Chrome Web Store, nëse përdoruesit kanë nevojë për të përkthyer faqet në një gjuhë tjetër. Aktualisht, versioni i disponueshëm është 75.0.125.0.
Të kujtojmë se brayzeri i përditësuar Microsoft Edge bazuar në Chromium mund të funksionojë nën sistemet operative Windows 7 dhe Windows 8.1. Megjithatë, instaluesi për të duhet të shkarkohet veçmas, për ta nisur më pas në këto sisteme.
Burimi: 3dnews.ru
