Në këtë ditë, saktësisht 30 vjet më parë, Microsoft prezantoi sistemin operativ Windows 3.0, i cili përfshinte legendaren pasjans "Solitaire", që arriti në zemrat e dhjetëra miliona përdoruesve në të gjithë botën. Edhe pse Windows 3.0 ishte, në thelb, vetëm një ndërfaqe grafike për MS-DOS, për vetëm disa vjet ajo u shpërnda me një tirazh të pabesueshëm për ato kohë prej më shumë se 10 milion kopjeve.
Kërkesat sistemore të sistemit operativ ishin shumë modeste në krahasim me standardet moderne. Windows 3.0 kërkonte një procesor Intel 8086/8088 ose më të fuqishëm, 1 MB RAM dhe plot 6,5 MB hapësirë të lirë në disk. Sistemi operativ instalohej vetëm mbi MS-DOS, duke refuzuar të punonte me çdo OS tjetër që ishte e përputhshme me DOS-in. Megjithëse Windows 3.0 kërkonte zyrtarisht 6,5 MB hapësirë në disk, përdoruesit arrinin ta instalonin atë në disqet me kapacitet 1,7 MB dhe ta niste në kompjuterë pa disk të ngurtë.
Pasardhësja e sistemit operativ legjendar ishte Windows 3.1, e cila u lançua në prill 1992 dhe përfshinte më shumë veçori që ne jemi mësuar të shohim në sistemet moderne operative të Microsoft-it, siç janë fontet TrueType, antivirusin e integruar, dhe më vonë mbështetje për aplikacionet Win32.
Burimi: 3dnews.ru
