Sot Microsoft deklaroi se sistemi operativ Windows 10 përdoret në më shumë se një miliard pajisjeve në mbarë botën. Kompania kishte planifikuar që Windows 10, e lançuar në vitin 2015, të arrinte këtë shifër që në vitin 2017, por ndalimi i mbështetjes për Windows Phone dhe mosdashja e shumë përdoruesve të Windows 7 për t'u azhurnuar në versionin e ri të sistemit operativ e vonuan këtë moment për gati 3 vite.
Momentalisht, Windows 10 është sistemi më i popullarizuar operativ për PC në botë. Ai e tejkalon njëherë populloren Windows 7, për të cilën ende mbeten rreth 300,000 përdorues në mbarë botën, pavarësisht nga ndalimi i mbështetjes i shpallur në janar të këtij viti.
Microsoft thekson se Windows 10 ka ndikuar shumë në tregun e kompjuterëve, duke nxitur prodhuesit e pajisjeve të eksperimentojnë me formatin e pajisjeve. Në fund të këtij viti do të lancojë Windows 10X, e cila, siç është planifikuar, do të nxisë prodhuesit të fillojnë prodhimin masiv të pajisjeve me dy ekrane.
Windows 10 funksionon në më shumë se 80,000 modele të ndryshme laptopësh dhe pajisjesh 2-në-1 nga më shumë se 1000 prodhues të ndryshëm. Në këtë moment, ajo është platforma e vetme desktop që është orientuar dhe, që është e rëndësishme, optimizuar për të punuar në pajisje me formate të ndryshme.
Burimi: 3dnews.ru
