Projekti NetBeans u bë projekt kryesor në Fondacionin Apache.

Pas tre releaseve në Apache Incubator, projekti Netbeans u bë një projekt në nivel të lartë në Fondacionin Apache.

Në vitin 2016, kompania Oracle ia kaloi projektin NetBeans Fondacionit Apache. Sipas procedurës së miratuar, të gjitha projektet e kaluara në Apache së pari hyjnë në Apache Incubator. Gjatë kohës së kaluar në inkubator, projektet përshtaten me standardet e ASF. Po ashtu, bëhet një kontroll për pastërtinë e të drejtave të pronës intelektuale të dorëzuara.

Lëshimi i fundit i Apache NetBeans 11.0 (në inkubim) ndodhi më 4 prill 2019. Ky ishte lëshimi i tretë i rëndësishëm nën ombrellën e ASF. Në vitin 2018, projekti fitoi çmimin Duke’s Choice.

Projekti NetBeans përfshin:

• NetBeans IDE — një ambient i integruar i zhvillimit të aplikacioneve (IDE) për gjuhët e programimit Java, Python, PHP, JavaScript, C, C++, Ada dhe disa të tjera.

• NetBeans platform — platformë për zhvillimin e aplikacioneve modulare të Java për platforma të shumëfishta. Projektet e bazuara në platformën NetBeans: VisualVM, SweetHome3d, SNAP etj.

Burimi: linux.org.ru