Në faqen e organizatës jo-fitimprurëse Wikimedia Foundation, e cila mbështet infrastrukturën e disa projekteve wiki me crowdsourcing, përfshirë "Wikipedia", u shfaq , në të cilin thuhet se ndërprerja në funksionimin e enciklopedisë në internet ndodhi për shkak të një sulmi të drejtuar nga hakerët. Më parë, u bë e dijshme se në disa vende "Wikipedia" kaloi përkohësisht në modin autonom të funksionimit. Sipas të dhënave të disponueshme, aksesin në burimin në internet e humbën përdoruesit nga Rusia, Britania e Madhe, Franca, Holanda, Polonia dhe disa vende të tjera.
Në mesazh thuhet se sulmi ishte i vazhdueshëm, të cilin specialistët e sigurisë informatike përpiqeshin ta përballonin. Grupi mbështetës i projektit punoi me intensitet për të rikthyer sa më shpejt aksesin në "Wikipedia".
"Si një nga faqet më të njohura në botë, "Wikipedia" ndonjëherë tërheq vëmendjen e përdoruesve "të keqinj". Së bashku me pjesën tjetër të internetit, ne punojmë në një ambient të komplikuar, në të cilin kërcënimet zhvillohen vazhdimisht. Për këtë arsye, komuniteti Wikimedia dhe organizata Wikimedia Foundation krijuan sisteme të veçanta dhe angazhuan punonjës për të realizuar mbikëqyrje dhe eliminim të riskut në vazhdimësi. Nëse ndodh një problem, ne mësojmë, bëhemi më të mirë dhe përgatitemi të jemi edhe më të mirë herën tjetër", - thuhet në mesazhin e shfaqur në faqen e organizatës.
Akoma nuk dihet sa masiv ishte sulmi ndaj serverët "Wikipedia", dhe cilat masa u morën për ta përballuar atë. Nuk përjashtohet që këto të dhëna do të shpallen pas hetimit të incidentit.
Burimi: 3dnews.ru
