ĂfarĂ« kanĂ« tĂ« pĂ«rbashkĂ«t Samsung, Huawei dhe Apple, pĂ«rveç faktit se prodhojnĂ« pajisje celulare? TĂ« gjitha kĂ«to kompani po zhvillojnĂ« dhe prodhojnĂ« procesorĂ«t e tyre mobilĂ«. Ka edhe prodhues tĂ« tjerĂ« tĂ« smartphone-ve, qĂ« gjithashtu prodhojnĂ« çipa pĂ«r pajisjet mobile, por volumi i tyre Ă«shtĂ« ndjeshĂ«m mĂ« i vogĂ«l.
Sipas të dhënave nga blogeri Digital Chat Station, kompania vivo po punon për krijimin e çipseteve të saj. Blogeri publikoi në rrjetin social Weibo imazhe të aplikimit për regjistrimin e markës tregtare për çipset e vivo Chip dhe vivo SoC, të bërë që në shtator të vitit 2019.
Aktualisht nuk ka detaje për planet e vivo rreth biznesit të prodhimit të çipave të saj, dhe duket se është ende herët për të folur për shpalljen e modelit të parë. Megjithatë, vendimi i kompanisë për të eksploruar këtë drejtim duket mjaft i arsyeshëm. Pas vendosjes së kufizimeve nga SHBA për furnizimin e komponentëve për Huawei, prodhuesit kinezë filluan të investojnë më shumë në zhvillimin e teknologjive të tyre për të ulur varësinë nga furnizuesit e huaj.
Aktualisht, smartphone-t e vivo përdorin çipa Qualcomm, MediaTek dhe Samsung. Duket se në të ardhmen kompania do të shtojë çipa të prodhuar nga vetë ajo. Mund të supozohet gjithashtu se çipset e zhvilluara nga vivo nuk janë destinuar për përdorim në smartphone, por për pajisje të tjera intelligjente që planifikohet të lëshohen në një të ardhme të afërt.
Burimi: 3dnews.ru
