Leah Rowe, themeluesja e distribucionit Libreboot dhe aktiviste e njohur për të drejtat e pakicave, përkundër konflikteve të kaluara me Fondin e Softuerit të Lirë dhe Stallman, ka dalë në mbrojtje publike të Richard Stallman nga sulmet e fundit. Leah Rowe beson se kjo ndjekje është organizuar nga njerëz që janë ideologjikisht opozitarë ndaj softuerit të lirë dhe është e orientuar jo vetëm ndaj Stallmanit, por edhe ndaj të gjithë lëvizjes së softuerit të lirë dhe FSF në veçanti.
Sipas Leah, drejtësia sociale e vërtetë është një trajtim dinjitoz për njeriun, dhe jo thjesht përpjekja për ta fshirë atë për shkak të bindjeve të tij. Në mesazhin e saj po ashtu, me shembuj personalë, ajo ka refuzuar akuzat për seksizëm dhe transfobi të Stallmanit dhe ka shprehur dyshimin se të gjitha sulmet e fundit janë thjesht përpjekje për infiltrimin dhe nënshtrimin e organizatës FSF nën kontrollin e kompanive të mëdha, ashtu siç ka ndodhur tashmë me OSI dhe Linux Foundation.
Ndërkohë, numri i atyre që kanë nënshkruar letrën e hapur në mbështetje të Stallmanit ka arritur në 4660 nënshkrime, ndërsa letra kundër Stallmanit është nënshkruar nga 2984 njerëz.
Burimi: opennet.ru
