Një nga përditësimet e ardhshme të shfletuesit Chrome do të heqë plotësisht mbështetje për protokollin FTP. Kjo është e theksuar në një dokument të veçantë të kompanisë Google që i dedikohet kësaj teme. Megjithatë, "novacionet" do të hyjnë në fuqi vetëm pas një viti ose edhe më vonë.
Mbështetje e saktë për protokollin FTP në shfletuesin Chrome ka qenë gjithmonë një çështje e ndjeshme për zhvilluesit e Google. Një nga arsyet për heqjen dorë nga FTP është mungesa e mbështetjes për një lidhje të sigurt për këtë protokoll në Chromium. Që në vitin 2015, zhvilluesit e Google hapën një temë në bugin zyrtar të Chromium me kërkesën për të hequr mbështetje për FTP. Vetëm së fundmi këtë "bug" e kanë vënë re për ta përjashtuar plotësisht komponentet FTP nga shfletuesi. Për më tepër, kompania thekson se vetëm 0.1% e përdoruesve të Chrome e kanë hapur ndonjëherë ndonjë faqe me katalogë skedarësh.
Heqja e mbështetjes për Protokollin e Transferimit të Skedareve (FTP) , pasi aktualisht është e vështirë të përdoret ky protokoll në Chrome — përdefaulti ai njihet nga shfletuesi si i pasigurt dhe hapet vetëm me konfirmimin e përdoruesit. Një mendim të ngjashëm për këtë protokoll transferimi të të dhënave ndan edhe kompania Mozilla, e cila në versionin Firefox 60 shtoi funksionin e çaktivizimit manual të FTP. Më pas, në përditësimin me numër 61, u bllokua shkarkimi i burimeve që ruheshin në FTP.
Heqja e plotë e mbështetjes për protokollin është planifikuar të nisë në versionin Chrome 80, i cili do të dalë në tremujorin e parë të vitit 2020, dhe në përditësimin e ardhshëm 82, plotësisht do të hiqen komponentet dhe kodi që lidhen me FTP.
Burimi: 3dnews.ru
