Falë kodit të hapur Chromium Microsoft ndikimi i tij të parë serioz dhe pozitiv në shfletuesin Google Chrome. Raportohet se mundësia e re do të zgjidhë një problem të gjatë me "Chrome". Bëhet fjalë për "lakmimin" e tij ndaj baterisë së laptopit.
Siç tha Shawn Pickett nga Microsoft, përmbajtja mediale ruhet në disk gjatë shkarkimit dhe riprodhimit. Kjo rrit konsumin e energjisë në përgjithësi. Pritet që heqja e ruajtjes në cache të ndihmojë në uljen e konsumit të energjisë në laptopë dhe tabletë me Windows. Duke pasur parasysh se videot dhe muzika në internet tani janë shumë të kërkuara, ky ndryshim duhet të ndihmojë shumë në uljen e ngarkesës në bateri.
Siç vihet re, Microsoft njëherë ka eksperimentuar me optimizimet për shfletuesin klasik Microsoft Edge. Dhe kjo ka funksionuar, pasi shfletuesi në të vërtetë ishte shumë i mirë për sa i përket konsumit të energjisë. Tani këto mundësi do të jenë gjithashtu në Chrome dhe në shfletuesit e tjerë që janë të bazuar në të.
Deritani, kjo mundësi e re po testohet në Chrome Canary 78. Për t'u aktivizuar, duhet të shkoni në listën e flagjeve chrome://flags, të gjeni flagun Turn off caching of streaming media to disk dhe ta çaktivizoni atë, pas së cilës duhet të rinehyrni në shfletues. Kjo funksionon për versionet për Windows, Mac, Linux, Chrome OS dhe Android.
Në lidhje me datën se kur do të publikohet kjo veçori, nuk ka informacione për momentin, por probabiliteti është se kjo do të ndodhë së shpejti.
Burimi: 3dnews.ru
