Kompania e teknologjisë së makinave vetëdrejtuese Cruise Automation ka tërhequr prizën për lançimin e një shërbimi robotaksi në shkallë të gjerë në vitin 2019, tha të martën CEO i degës së General Motors (GM), Dan Ammann.
Cruise planifikon të rrisë ndjeshëm numrin e automjeteve të saj autonome testuese në rrugët e San Franciskos, por nuk ka ende plane të ofrojë udhëtime për pasagjerët e rregullt, tha ai.
Kujtojmë se më herët menaxhmenti i GM-së u tha investitorëve se deri në fund të këtij viti shërbimi i saj taksi i bazuar në makina vetë-drejtuese do të jetë i disponueshëm për përdorim të përgjithshëm. Dan Ammann, i cili më parë drejtoi GM, nuk është zotuar as të nisë shërbimin vitin e ardhshëm.
“Duam që ky moment të vijë sa më shpejt. Por gjithçka që bëjmë tani lidhet me sigurinë. Dhe kjo është arsyeja pse ne po rrisim kilometrazhin e testimit dhe vërtetimit për të arritur në këtë pikë sa më shpejt të jetë e mundur,” shpjegoi Ammann.
Cruise është ende në pritje të miratimit rregullator për të vendosur një flotë makinash Chevy Bolt vetë-drejtuese pa timon ose pedale. Administrata Kombëtare e Sigurisë së Trafikut në Autostrada (NHTSA) e Departamentit të Transportit të SHBA-së ka kryer tashmë një sondazh të opinionit publik për këtë çështje, por ende nuk i është përgjigjur kërkesës së Cruise. Dhe tani kompania është në pritje të vendimit përfundimtar.
Burimi: 3dnews.ru