Qeveria gjermane është kundër dhënies së miratimit rregullator për përdorimin e monedhës dixhitale në Bashkimin Evropian, raportoi të premten revista Der Spiegel, duke cituar një anëtar të partisë konservatore gjermane CDU, liderja e së cilës është kancelarja Angela Merkel.
Ligjvënësi i CDU, Thomas Heilmann, tha në një intervistë me Spiegel se sapo një emetues i monedhës dixhitale të fillojë të dominojë tregun, konkurrentët do të kenë vështirësi, duke shtuar se partnerët e koalicionit nga Partia Social Demokrate (SPD) janë të të njëjtit mendim.
Nga ana tjetër, Ministria Franceze e Financave tha të premten se Franca dhe Gjermania kanë rënë dakord të bllokojnë kriptomonedhën Libra të rrjetit social Facebook.
Në një deklaratë të përbashkët, të dy qeveritë theksuan se asnjë individ privat nuk mund të pretendojë për fuqinë monetare, e cila është pjesë integrale e sovranitetit të kombeve.
Më herët, ministri francez i financave Bruno Le Maire tha se kriptomonedha e re e Facebook nuk duhet të funksionojë në Evropë për shkak të shqetësimeve për sovranitetin dhe ekzistencën e rreziqeve financiare të vazhdueshme.
Burimi: 3dnews.ru