Pavarësisht deklaratës së themeluesit të Huawei, Ren Zhengfei për gatishmërinë e kompanisë për të furnizuar Apple me çipa 5G, të dy kompanitë nuk patën negociata për këtë çështje. Këtë e ka bërë të ditur kryetari aktual i Huawei, Ken Hu, në përgjigje të një kërkese për të komentuar deklaratën e themeluesit të kompanisë.
"Ne nuk kemi pasur diskutime me Apple për këtë çështje," tha kryetari i rradhës i Huawei Ken Hu të martën, duke shtuar se ai priste të konkurronte me Apple në tregun e telefonave 5G.
Sipas dëshmisë nga një ekzekutiv i Apple në fillim të këtij viti gjatë një gjyqi që përfshin Qualcomm dhe Komisionin Federal të Tregtisë së SHBA-së, kompania tashmë ka zhvilluar bisedime me Samsung, Intel dhe MediaTek Inc të Tajvanit mbi furnizimin e çipave të modemit 5G për telefonat inteligjentë të iPhone 2019.
Intel, furnizuesi i vetëm i çipave të modemit iPhone, tha se çipat e saj 5G nuk do të shfaqen në celular deri në vitin 2020. Kjo kërcënon Apple të mbetet prapa konkurrentëve të saj dhe detyron kompaninë Cupertino të kërkojë një furnizues të ri.
Burimi: 3dnews.ru