Brawseri i ri Microsoft Edge i bazuar në Chromium do të ketë një përkthyes të integruar, i cili do të mund të përkthejë automatikisht faqet e internetit në gjuhë të tjera. Përdoruesit e Reddit zbuluan se Microsoft e ka aktivizuar pa bujë këtë funksion të ri në Edge Canary. Ai e vendos ikonën e Microsoft Translator direkt në shiritin e adresës.
Tani, sa herë që brawseri ngarkon një faqe interneti në një gjuhë që është ndryshe nga ajo e sistemit të instaluar, Microsoft Edge mund ta përkthejë automatikisht. Ky funksion funksionon në mënyrë të ngjashme me motorin e përkthimit në Google Chrome, dhe tani duket se Microsoft thjesht po bën eksperimente me një numër të kufizuar pajisjesh.
Opsioni ofron mundësinë për të përkthyer faqet në gjuhë të tjera automatikisht, si dhe ka mundësinë për të zgjedhur gjuhë specifike. Si në Google Chrome, përdoruesit mund të kalojnë midis faqes origjinale dhe versionit të përkthyer.
Për momentin, kjo mundësi është vetëm në Edge Canary, i cili përditësohet çdo ditë. Prandaj, mendohet se kjo mundësi është në një fazë të hershme dhe mund të mbetet në zhvillim për një kohë të gjatë. Megjithatë, nuk ka dyshim se Microsoft do ta shtojë atë më vonë edhe në versionin stabil të brawserit.
Gjithashtu, vlen të përmendet se zgjerimet për përkthim janë gjithashtu të disponueshme në Chrome Web Store, nëse përdoruesit kanë nevojë të përkthejnë faqet në një gjuhë tjetër. Aktualisht, versioni 75.0.125.0 është i disponueshëm.
Kujtojmë se brawseri i përditësuar Microsoft Edge i bazuar në Chromium mund të funksionojë nën sistemet operative Windows 7 dhe Windows 8.1. Megjithatë, instaluesi për të duhet të shkarkohet veçmas, për t'u nisur më pas në këto sisteme.
Burimi: 3dnews.ru
