Projekti për lançimin e kriptomonedhës Libra, i cili po zbatohet nga Facebook së bashku me partnerët e tij, do të dështojë në formën e tij aktuale. Kështu deklaroi presidenti zviceran Ueli Maurer në një intervistë me gazetarët vendas, duke shtuar se projekti duhet të finalizohet në mënyrë që lëshimi i Libra të miratohet përfundimisht nga autoritetet rregullatore të vendeve evropiane.
“Unë nuk mendoj se projekti Libra ka një shans për sukses në formën e tij aktuale, sepse bankat qendrore nuk do të pranojnë shportën e monedhave që qëndron në themel të tij. Kështu që projekti në këtë formë do të dështojë”, tha zoti Maurer gjatë një interviste.
Projekti për lançimin e një monedhe dixhitale, i organizuar nga Facebook, po shkakton shqetësim tek rregullatorë dhe politikanë në vende të ndryshme. Ka një diskutim aktiv për një sërë çështjesh, duke filluar nga privatësia te potenciali i kriptomonedhës për të ndikuar në politikën e kreditimit dhe peizazhin financiar global.
Zyrtarët që drejtojnë projektin Libra, përfshirë bashkëthemeluesin e Facebook, David Marcus, thanë se lansimi i monedhës dixhitale mund të vonohet për shkak të pengesave rregullatore. Fillimisht ishte planifikuar që kriptomonedha Libra të lansohej verën e ardhshme.
Monedha e re dixhitale do të mbështetet nga një rezervë e aseteve monetare si depozitat bankare dhe borxhi i qeverisë. Kjo strukturë synon të rrisë nivelin e besimit dhe të parandalojë luhatje të konsiderueshme në vlerën e kriptomonedhës. Për të zgjidhur këto dhe probleme të tjera që lidhen me kriptomonedhën Libra, u krijua një shoqatë me të njëjtin emër, e cila përfshinte Facebook dhe partnerët e tij ndërkombëtarë.
Burimi: 3dnews.ru