Huawei dhe Samsung kanë arritur një marrëveshje mbi çështjet gjyqësore për patentën që zgjati për tetë vjet.
Sipas shtypit kinez, përmes ndërmjetësimit ligjor nga Gjykata e Lartë e Popullit në Guangdong, Huawei Technologies dhe Samsung (Kinë) Investment kanë arritur një zgjidhje për një sërë mosmarrëveshjesh mbi shkeljet e patentave SEP (patenta standarde thelbësore për industrinë).
Detajet e marrëveshjes së zgjidhjes nuk dihen ende, por kompanitë thuhet se kanë rënë dakord për kushtet e përgjithshme për licensimin e patentave në këtë kategori në mbarë botën.
Si pjesë e marrëveshjes së zgjidhjes, të dyja kompanitë filluan të tërhiqnin padi të tjera në lidhje me këto patenta.
Nënshkrimi shënon fundin e një beteje të stërzgjatur ligjore që daton që nga viti 2011 dhe që përfshin më shumë se 40 çështje gjyqësore.
Dikur lojtari dominues në tregun kinez të smartfonëve, Samsung tani mban më pak se 1% të pjesës së tregut lokal. Gjatë të njëjtës periudhë, Huawei është bërë furnizuesi më i madh i smartfonëve në Kinë dhe prodhuesi i dytë më i madh në botë, duke paraqitur një kërcënim real për ndikimin e Samsung në tregun global të smartfonëve.
Burimi: 3dnews.ru