Autoritetet turke kanë gjobitur rrjetin social Facebook me 1,6 milionë lira turke (282 dollarë) për shkeljen e ligjit për mbrojtjen e të dhënave, i cili preku pothuajse 000 persona, shkruan Reuters, duke cituar një raport të Autoritetit Turk për Mbrojtjen e të Dhënave Personale (KVKK).
Të enjten, KVKK tha se kishte vendosur të gjobiste Facebook-un pasi zbuloi informacionin personal të 280 përdoruesve turq, duke përfshirë emrat, datat e lindjes, vendndodhjen, historinë e kërkimit dhe më shumë.
“Bordi konstatoi se masat e nevojshme administrative dhe teknike të kërkuara me ligj për të parandaluar një shkelje të tillë të privatësisë së të dhënave nuk ishin marrë dhe e gjobiti Facebook-un me 1,15 milionë lira turke për mospërmbushje të detyrimeve të tij për mbrojtjen e të dhënave”, tha KVKK.
Bordi i KVKK-së raportohet se ka filluar shqyrtimin e incidentit të rrjedhjes së të dhënave personale pasi Facebook nuk e informoi atë për gabimet në disa prej aplikacioneve të tij. Për faktin se rrjeti social nuk ka njoftuar autoritetet dhe bordin për shkeljen e konfidencialitetit të të dhënave, ndaj tij është vendosur një gjobë shtesë prej 450 mijë lirash turke. Gjithashtu bëhet e ditur se shkelja ka ndodhur vitin e kaluar.
Më parë, KVKK e gjobiti Facebookun me 1,65 milionë lira turke për një tjetër incident që lidhet me shkeljen e konfidencialitetit të të dhënave personale të përdoruesve.
Burimi: 3dnews.ru