Në Kinë është gjetur një përdorim i ri për teknologjinë e njohjes së fytyrës. Tani, me të, do të identifikohen pandat.
Pandat gjigante mund të duken të lehtë për t'u identifikuar, por ngjyra homogjene bardhë e zezë i bën ato të padallueshme për syrin e njeriut.
Por jo për inteligjencën artificiale. Kërkuesit kinezë zhvilluan një aplikacion për njohjen e fytyrës mbi bazën e AI-së, i cili lejon identifikimin e pandave të caktuar.
Vizitorët e bazës hulumtuese të Chengdu për shumimin e pandave gjigante (Chengdu Research Base of Giant Panda Breeding) në jugperëndim të Kinës së shpejti do të kenë mundësinë të përdorin aplikacionin për të identifikuar ndonjë nga dhjetra pandat që jetojnë në robëri, si dhe për të marrë informacion shtesë rreth tyre.
Krijuesit e aplikacionit gjithashtu besojnë se me ndihmën e tij, shkencëtarët do të jenë në gjendje të ndjekin arushat në kushte natyrore.
«Aplikacioni dhe baza e të dhënave do të na ndihmojnë të mbledhim të dhëna më të saktë dhe të plotë mbi popullatën, shpërndarjen, moshën, raportin gjinor, lindjen dhe vdekjen e pandave të egra që jetojnë në zona malore dhe që është e vështirë t'i ndjekësh», tha studiuesi Chen Peng, bashkëautor i artikullit «Njohja e fytyrës së pandës gjigante duke përdorur një bazë të vogël të dhënash».
Burimi: 3dnews.ru
