Qeveria amerikane ka lehtësuar përkohësisht kufizimet tregtare të vendosura javën e kaluar ndaj kompanisë kineze Huawei Technologies.
Departamenti Amerikan i Tregtisë i ka dhënë Huawei një licencë të përkohshme nga 20 maji deri më 19 gusht, duke e lejuar atë të blejë produkte të prodhuara në SHBA për të mbështetur rrjetet ekzistuese dhe përditësimet e softuerit për telefonat ekzistues Huawei.
Në të njëjtën kohë, prodhuesit më të madh në botë të pajisjeve të telekomunikacionit do t'i ndalohet ende të blejë pjesë dhe komponentë amerikanë për prodhimin e produkteve të reja pa marrë miratimin rregullator.
Sipas Sekretarit Amerikan të Tregtisë Wilbur Ross, licenca u jep operatorëve amerikanë që përdorin pajisjet Huawei kohë për të marrë masa të tjera.
“Me pak fjalë, kjo licencë do të lejojë klientët ekzistues të vazhdojnë të përdorin telefonat celularë Huawei dhe të mbajnë rrjete me brez të gjerë në zonat rurale,” tha Ross.
Burimi: 3dnews.ru