Mbretëria e Bashkuar nuk do të përdorë furnizues me rrezik të lartë për të ndërtuar pjesë kritike për sigurinë e rrjetit të saj të gjeneratës së ardhshme (5G), tha të enjten ministri i Zyrës së Kabinetit, David Lidington.
Burimet i thanë Reuters të mërkurën se Këshilli i Sigurisë Kombëtare i Britanisë vendosi këtë javë të ndalojë përdorimin e teknologjisë së kompanisë kineze Huawei në të gjitha pjesët thelbësore të rrjetit 5G dhe të kufizojë aksesin e saj për të vendosur komponentë jo-thelbësorë.
Duke folur në një konferencë për sigurinë kibernetike në Glasgow, Skoci, Lidington theksoi se Mbretëria e Bashkuar ka procedura strikte për të menaxhuar rrezikun në infrastrukturën e saj të telekomunikacionit dhe vendimi i qeverisë u bazua në "prova dhe ekspertizë dhe jo në spekulime apo thashetheme".
“Qasja e qeverisë nuk kufizohet vetëm në një kompani apo edhe në një vend, por synon të ofrojë siguri kibernetike më të fortë në telekom, qëndrueshmëri më të madhe në rrjetet e telekomunikacionit dhe diversitet më të madh në zinxhirin e furnizimit,” tha David Lidington.
Burimi: 3dnews.ru