Për herë të parë, një kompani e turizmit hapësinor do të kryejë një ofertë publike fillestare (IPO).
Në pronësi të miliarderit britanik Richard Branson, Virgin Galactic ka njoftuar planet për të dalë publike. Virgin Galactic synon të marrë statusin e një kompanie publike përmes bashkimit me një firmë investimi. Partneri i saj i ri, Social Capital Hedosophia (SCH), do të investojë 800 milionë dollarë në këmbim të 49 për qind të aksioneve dhe do të nisë IPO-në e saj në fund të 2019, oferta e parë publike e një kompanie turistike hapësinore.
Bashkimi dhe investimi do të ndihmojnë në mbajtjen e Virgin Galactic deri sa të fillojë të fluturojë komercialisht dhe të gjenerojë të ardhurat e veta. Deri më sot, rreth 600 njerëz i kanë paguar Virgin Galactic 250 dollarë secili për mundësinë për të kryer një fluturim suborbital, duke i lejuar kompanisë të mbledhë rreth 80 milionë dollarë.Virgin Galactic tashmë ka marrë investime me vlerë rreth 1 miliard dollarë, kryesisht nga pronari i saj Richard Branson.
Burimi: 3dnews.ru