Vivo prodhon shumë smartphone me dizajn tërheqës, harduerin më të fundit, karakteristika dhe shpesh zgjidhje novatore. Megjithatë, në lidhje me lëshimin e përditësimeve, kompania ka mbetur mjaft mbrapa konkurrencës. As Android 10 nuk bën përjashtim (edhe pse pjesërisht kjo nga shpërthimi i coronavirusit).
Vivo paraqiti Funtouch OS 10 që në dhjetor. Versioni më i fundit i ndërfaqes së kompanisë është i bazuar në Android 10 dhe doli në dritë disa muaj pas lëshimit të versionit përfundimtar të platformës mobile nga Google. Fatkeqësisht, përkundër njoftimit për përditësimin, smartphone-t e kompanisë vazhdojnë të mbeten me Android 9, edhe pse tashmë është lëshuar build-i i parë .
Por, duket se ka lajme të mira. Pas disa vonesash për shkak të COVID-19, kompania më në fund njoftoi rishikimin e kalendarit të përditësimit të pajisjeve të saj. Duhet theksuar se ky përditësim në përgjithësi i përket tregut vendas të Kinës. Modelet ndërkombëtare do të marrin përditësimet më vonë, sipas traditës që është krijuar.
Pra, pajisjet e para që do të marrin versionin publik beta të Funtouch OS 10 me Android 10 më 14 mars do të jenë NEX 3 dhe NEX 3 5G. Megjithatë, kjo vlen vetëm për 4000 persona, të cilët duhet të regjistrohen paraprakisht për këtë. Në fund të marsit, kompania do të publikojë një përditësim për X27 dhe X27 Pro. Pajisjet e radhës do të jenë NEX S, NEX A, NEX A dhe NEX Dual Display në fillim të prillit. Në mes të prillit, përditësimi do të dalë për Vivo S5, ndërsa telefonat Z5, Z5i, Z5x, S1 dhe S1 Pro do ta marrin atë në fund të prillit. Fatkeqësisht, pronarët e Z3, Z3i dhe X23 për disa arsye do të duhet të presin deri në fund të qershorit.
Ky është gjithë lista e pajisjeve që do të marrin Funtouch OS 10. Duket se tani gjithçka po shkon në rrugën e duhur. Adhuruesit e produkteve të kësaj kompanie kineze do të shpresojnë që ajo të kuptojë se jo vetëm çmimi, por gjithashtu përditësimet sa më të shpejta sot janë një pjesë e rëndësishme e suksesit në treg.
Burimi: 3dnews.ru
