Autoritetet në San Francisko po shqyrtojnë një ndalim të mundshëm të shitjes së cigareve elektronike. Pritet të mbetet në fuqi derisa Administrata Amerikane e Ushqimit dhe Barnave (FDA) të kryejë një hetim mbi efektet e tyre shëndetësore.
Zyrtarët në qytet, i cili tashmë ka ndaluar shitjen e duhanit me aromë dhe avulluesve me aromë, thanë se një studim i tillë duhej të ishte përfunduar përpara se cigaret elektronike të dilnin në treg.
Ligji i propozuar do të ishte i pari i këtij lloji në Shtetet e Bashkuara dhe synon të frenojë përhapjen e të ashtuquajturës "epidemi" të përdorimit të cigareve elektronike tek të rinjtë.
Prokurori i qytetit Dennis Herrera, një nga bashkë-sponzoruesit e projektligjit, tha se tashmë ka "miliona fëmijë të varur nga cigaret elektronike dhe miliona të tjerë do të pasojnë" nëse nuk ndërmerren masa.
Ai shtoi se San Francisko, Çikago dhe Nju Jorku i dërguan një letër të përbashkët FDA-së duke bërë thirrje për një hetim mbi ndikimin e cigareve elektronike në shëndetin publik.
Sipas Qendrës Amerikane për Kontrollin dhe Parandalimin e Sëmundjeve, numri i adoleshentëve amerikanë që pranuan përdorimin e produkteve të duhanit "brenda 30 ditëve të fundit" u rrit 36% midis 2017 dhe 2018, nga 3,6 milionë në 4,9 milionë. Kjo statistikë është për shkak të rritje e përdorimit të cigareve elektronike.
Burimi: 3dnews.ru