Apple яке аз мағозаҳои чаканаи худро дар Италия муваққатан мебандад, зеро кишвар бо бадтарин хуруҷи коронавирус дар Аврупо рӯбарӯ аст. Ҳукумати Италия барои мубориза бо COVID-19 чораҳо меандешад ва Apple тасмим гирифт, ки кумак кунад.
Маркази Apple Oriocenter дар музофоти Бергамо бо қарори ҳукумати Италия рӯзҳои 7 ва 8 март баста мешавад. Ин маълумот дар вебсайти расмии минтақавии Apple оварда шудааст.
Огоҳӣ натиҷаи қарори раиси Шӯрои вазирон аст, ки бар асоси он тамоми мағозаҳои калону миёна, аз ҷумла нуқтаҳои хурди марказҳои тиҷоратӣ дар охири ҳафта баста мешаванд. Қарор ба музофотҳои Бергамо, Кремона, Лоди ва Пиаченца дахл дорад.
Дар робита ба ҳамин фармон, мағозаҳои Apple il Leone, Apple Fiordaliso ва Apple Carosello рӯзҳои 29 феврал ва 1 март баста шуданд.
Бино ба маълумоти Агентии ҳифзи шаҳрвандии Италия, дар давоми 24 соати охир дар кишвар 27 нафар аз коронавирус фавтидаанд, ки шумораи умумии ҳалокшудагон ба 79 нафар расидааст.
Манбаъ: 3dnews.ru