Ҳукумати Лаҳистон ба гумон аст, ки аз истифодаи таҷҳизоти Huawei дар шабакаҳои мобилии насли оянда комилан даст кашад, зеро ин метавонад боиси афзоиши хароҷоти операторони мобилӣ шавад. Дар ин бора ба Рейтерс Карол Оконски, муовини вазири маъмурият ва рушди рақамӣ масъул оид ба масъалаҳои киберамният хабар дод.
Ёдовар мешавем, ки дар моҳи январи соли ҷорӣ мақомоти Лаҳистон ба хабаргузории Ройтерс гуфта буданд, ки ҳукумат омода аст ширкати Чинро ба унвони як таъминкунандаи таҷҳизот барои шабакаҳои 5G пас аз боздошти як корманди Huawei ва афсари собиқи амниятии Лаҳистон бо иттиҳоми ҷосусӣ хориҷ кунад.
Оконски гуфт, ки Варшава масъалаи баланд бардоштани стандартҳои амниятӣ ва муқаррар кардани маҳдудият барои шабакаҳои насли панҷумро баррасӣ мекунад ва дар ҳафтаҳои оянда тасмим гирифта мешавад.
Манбаъ: 3dnews.ru