Масъулини баландпояи маъмурияти президенти ИМА Доналд Трамп чораҳои нав омода мекунанд, ки ба маҳдуд кардани таъминоти ҷаҳонии чипҳо ба ширкати чинии Huawei Technologies нигаронида шудаанд. Дар ин бора хабаргузории Reuters бо такя ба як манбаи огоҳ хабар додааст.
Бар асоси ин тағйирот, ширкатҳои хориҷӣ, ки барои тавлиди чипҳо аз таҷҳизоти амрикоиро истифода мебаранд, бояд муҷаввизи амрикоиро бигиранд, ки бар асоси он ба онҳо иҷоза дода мешавад ва ё иҷоза намедиҳад, ки баъзе навъҳои маҳсулотро ба Huawei таъмин кунанд.
Азбаски бисёре аз таҷҳизоти чипсозӣ, ки дар саросари ҷаҳон истифода мешаванд, ба технологияи амрикоӣ асос ёфтаанд, маҳдудиятҳои нав ваколатҳои ИМА-ро барои назорати содироти нимноқилҳо ба таври қобили мулоҳиза тавсеа хоҳанд дод, ки ба гуфтаи коршиносони тиҷорат, бисёр иттифоқчиёни амрикоиро хашмгин мекунанд.
Дар хабар гуфта мешавад, ки ин тасмим дар нишасти расмии мақомоти баландпояи Амрико ва намояндагони ниҳодҳои мухталиф, ки имрӯз баргузор шуд, гирифта шудааст. Он баъзе маҳсулоти истеҳсоли хориҷиро дар асоси технологияи тавлиди ИМА ё нармафзоре, ки ба қоидаҳои ИМА тобеъ аст, месозад.
Ҳоло маълум нест, ки раисиҷумҳури ИМА ин пешниҳодро тасдиқ мекунад ё на, зеро моҳи гузашта ӯ зидди ин гуна чораҳо изҳори назар карда буд. Намояндагони вазорати савдои ИМА, ки дар қабули чунин тасмимҳо нақши муҳим доранд, то ҳол дар ин бора изҳори назар накардаанд.
Манбаъ: 3dnews.ru