Манобеъи интернетӣ гузориш медиҳанд, ки маъмурони Твиттер тақрибан 4800 аккаунтеро, ки гӯё ҳукумати Эрон таҳти назорат доранд ё бо он алоқаманданд, масдуд кардаанд. Чанде пеш Twitter гузориши муфассалеро нашр кард, ки чӣ гуна мубориза бо паҳншавии хабарҳои қалбакӣ дар дохили платформа сурат мегирад ва инчунин чӣ гуна корбароне, ки қоидаҳоро вайрон мекунанд, баста мешаванд.
Ба ҷуз аз ҳисобҳои эронӣ, маъмурони Твиттер чаҳор аккаунти гумонбар дар иртибот бо Ожонси пажӯҳишҳои интернетии Русия (IRA), 130 аккаунти қалбакии марбут ба ҷунбиши истиқлоли Каталония аз Испания ва 33 аккаунти мутааллиқ ба соҳибкорон аз Венесуэларо масдуд карданд.
Дар мавриди ҳисобҳои эронӣ бошад, вобаста ба навъи фаъолияташон ба се гурӯҳ тақсим мешуданд. Зиёда аз 1600 аккаунт барои нашри хабарҳои ҷаҳонӣ дар Твиттер ба ҳимоят аз ҳукумати феълии Эрон истифода шудааст. Беш аз 2800 аккаунт ба далели истифода аз корбарони номаълум барои баррасӣ ва таъсир ба масоили сиёсӣ ва иҷтимоӣ дар Эрон мамнӯъ шудааст. Тақрибан 250 аккаунт барои муҳокимаи масъалаҳо ва нашри хабарҳои марбут ба Исроил истифода мешуд.
Қобили зикр аст, ки Twitter пайваста аккаунтҳоеро масдуд мекунад, ки дар мудохилаи Эрон, Русия ва кишварҳои дигар ба интихобот гумонбар мешаванд. Моҳи феврали соли ҷорӣ дар ин платформа 2600 аккаунти марбут ба Эрон ва ҳамчунин 418 аккаунти марбут ба Оҷонсии пажӯҳишҳои интернетии Русия масдуд шуданд.
Манбаъ: 3dnews.ru