Имрӯз бори нахуст дар шабакаи иҷтимоии Фейсбук паёми нашркардаи як корбар ҳамчун "маълумоти нодуруст" қайд карда шуд. Ин кор пас аз муроҷиати ҳукумати Сингапур сурат гирифт, зеро дар ин кишвар қонун барои мубориза бо хабарҳои қалбакӣ ва манипуляция дар интернет ҷорӣ шуд.
"Фейсбук тибқи қонун талаб мекунад, ки ба шумо хабар диҳад, ки ҳукумати Сингапур изҳор кардааст, ки ин паём дорои маълумоти бардурӯғ аст" гуфта мешавад дар огоҳие, ки ба корбарони Facebook дар Сингапур нишон дода шудааст.
Ёддошти мувофиқ дар зери нашрияи корбар гузошта шуд, аммо матни паём тағйир наёфтааст. Нашрияи мавриди назарро яке аз корбарони блоги мухолифи State Times Review нашр кардааст. Матн ба боздошти як сингопурӣ дахл дорад, ки ҳизби ҳокими кишварро маҳкум кардааст.
Аммо мақомоти интизомӣ иттилоъ дар бораи боздоштро рад карданд. Дар ибтидо мақомоти Сингапур бо талаби раддия бо муаллифи нашрия тамос гирифтанд, аммо ӯ рад кард, зеро дар Австралия зиндагӣ мекунад. Дар натиҷа, мақомоти Сингапур маҷбур шуданд, ки ба Фейсбук шикоят фиристанд ва пас аз он ин паём ҳамчун "маълумоти бардурӯғ" қайд карда шуд.
«Тибқи талаби қонуни Сингапур, Facebook ба ин паёми баҳсбарангез, ки аз ҷониби ҳукумати Сингапур нодуруст муайян шудааст, тамғаи махсус замидааст. Азбаски ин қонун чанде қабл ба иҷро даромад, мо умедворем, ки аз ҷониби мақомот барои маҳдуд кардани озодии баён истифода нахоҳанд шуд», - гуфт намояндаи шабакаи иҷтимоӣ.
Қобили зикр аст, ки Facebook аксар вақт мундариҷаҳоеро, ки қонунҳои баъзе кишварҳоро вайрон мекунанд, масдуд мекунад. Дар гузорише дар бораи фаъолияти ин ширкат, ки тобистони соли ҷорӣ нашр шуд, гуфта мешуд, ки то июни соли 2019 дар кишварҳои мухталиф ҳудуди 18 ҳазор чунин маврид ба қайд гирифта шудааст.
Манбаъ: 3dnews.ru