Вазири Девони Девид Лидингтон рӯзи панҷшанбе гуфт, Бритониё аз таъминкунандагони дорои хатари баланд барои сохтани қисматҳои муҳими амниятии шабакаи насли ояндаи худ (5G) истифода нахоҳад кард.
Манбаъҳо рӯзи чаҳоршанбе ба хабаргузории Reuters гуфтанд, ки Шӯрои Амнияти Миллии Бритониё ин ҳафта тасмим гирифт, ки истифодаи технологияи ширкати Huawei-и чиниро дар ҳама қисматҳои аслии шабакаи 5G мамнӯъ ва дастрасии онро барои истиқрори ҷузъҳои ғайриаслӣ маҳдуд кунад.
Зимни суханронӣ дар як конфронси амнияти киберӣ дар Глазгои Шотландия, Лидингтон таъкид кард, ки Бритониё барои идоракунии хатар дар зерсохтори телекоммуникатсионӣ расмиёти қатъӣ дорад ва тасмими ҳукумат ба "далел ва коршиносӣ на ба тахмину овозаҳо" асос ёфтааст.
"Равиши Ҳукумат танҳо бо як ширкат ё ҳатто як кишвар маҳдуд намешавад, балки ба таъмини амнияти қавитар дар соҳаи телекоммуникатсия, устувории бештар дар шабакаҳои телекоммуникатсионӣ ва гуногунии бештар дар занҷири таъминот нигаронида шудааст" гуфт Дэвид Лидингтон.
Манбаъ: 3dnews.ru