Тибқи иттилои манобеъи интернетӣ, сарони бонкҳои марказии шаш кишвар, ки дар заминаи арзҳои рақамӣ пажӯҳишҳои муштарак доранд, имкони баргузории нишастеро баррасӣ мекунанд, ки дар моҳи апрели соли ҷорӣ дар Вашингтон баргузор шавад.
Ба ҷуз аз раиси Бонки марказии Аврупо, дар музокирот роҳбарони бонкҳои марказии Бритониё, Ҷопон, Канада, Шветсия ва Швейтсария ширкат хоҳанд кард. Сухангӯи Бонки Ҷопон гуфт, то ҳанӯз санаи дақиқи мулоқот муайян нашудааст. Вай инчунин қайд кард, ки бонкҳои марказӣ бояд ба рақамисозии босуръат чандир вокуниш нишон диҳанд, то ҳамчун эмитентҳои пул аҳамияти худро идома диҳанд.
Намояндагони бонкҳои марказии кишварҳои қаблан зикршуда моҳи гузашта аз нияти баргузории нишасте хабар доданд, ки дар он масъалаҳои марбут ба роҳандозии асъорҳои рақамӣ баррасӣ хоҳанд шуд. Илова бар ин, дар ҷаласа баррасии роҳҳои оптимизатсияи ҳисоббаробаркуниҳои фаромарзӣ ва масъалаҳои амниятӣ, ки бояд дар сурати муомилоти пули рақамӣ дар оянда бонкҳои марказӣ ҳал шаванд, пешбинӣ шудааст. Интизор меравад, ки гузориши мобайнӣ дар бораи натоиҷи нишаст то моҳи июни соли ҷорӣ омода шавад ва нусхаи ниҳоии он то тирамоҳ пайдо шавад.
Бонкҳои марказии саросари ҷаҳон дар бораи роҳандозии пули рақамии худ ҳастанд. Аз бонкҳои бузурги марказӣ, Чин дар таҳияи асъори рақамии худ пешсаф аст, гарчанде ки дар бораи лоиҳа маълумоти зиёде мавҷуд нест. Бонки марказии Ҷопон бо Бонки марказии Аврупо дар ин замина як тарҳи пажӯҳишӣ анҷом додааст, аммо гуфтааст, ки қасд надорад дар ояндаи наздик пули рақамии худро ба муомилот барорад.
Манбаъ: 3dnews.ru