Tarmoq manbalari Facebook kelasi yili o‘z kriptovalyutasini chiqarishni rejalashtirayotgani haqida xabar beradi. Ma`lum qilinishicha, 12 davlatni qamrab olgan yangi to'lov tarmog'i 2020 yilning birinchi choragida ishga tushiriladi. Shuningdek, GlobalCoin deb nomlangan kriptovalyutani sinovdan o'tkazish 2019 yil oxirida boshlanishi ma'lum.
Facebook’ning rejalari haqida batafsil ma’lumotlar shu yilning yozida paydo bo‘lishi kutilmoqda. Ayni paytda kompaniya vakillari AQSh G'aznachiligi va Angliya Banki rasmiylari bilan maslahatlashib, tartibga solish masalalarini muhokama qilmoqda. Shuningdek, pul o‘tkazmalari kompaniyalari, jumladan Western Union bilan ham muzokaralar olib borilmoqda. Bu shuni ko'rsatadiki, kompaniya mijozlar tomonidan bank hisobvaraqlarisiz foydalanishi mumkin bo'lgan pul jo'natishning arzon va tezkor usullarini qidirmoqda.
To‘lov tarmog‘ini yaratish va o‘z kriptovalyutasini ishga tushirish loyihasi Libra kod nomini oldi. Uning amalga oshirilishi haqida ilk bor o‘tgan yilning dekabr oyida e’lon qilingan edi. Yangi to‘lov tizimi odamlarga xalqaro valyutalarni kriptovalyutaga almashtirish imkonini beradi. Belgilangan vazifalarni bajaradigan tegishli uyushma yaqin vaqt ichida Shveytsariyada tashkil etiladi.
Mutaxassislar Facebook’ning yangi loyihasi qanchalik muvaffaqiyatli bo‘lishi mumkinligi borasida bir xil fikrda emas. Masalan, London Iqtisodiyot maktabi tadqiqotchisi Garrik Xilemanning fikricha, GlobalCoinni yaratish loyihasi kriptovalyutalarning qisqa tarixidagi eng muhim voqealardan biriga aylanishi mumkin. Ba'zi ma'lumotlarga ko'ra, hozirda dunyo bo'ylab 30 millionga yaqin odam kriptovalyutalardan foydalanadi.
Manba: 3dnews.ru