Huawei dasturiy ilovalar ishonchliligini oshirishga qaratilgan loyihani amalga oshirish uchun Irlandiyadagi SFI Lero tadqiqot markaziga 6 million yevro sarmoya kiritish rejasini ma’lum qildi.
Bu mablagʻ Huawei’ning Irlandiya va Shvetsiyadagi oʻz tadqiqot markazlari oʻrtasidagi qoʻshma dasturning bir qismidir. Ushbu to'rt yillik loyiha 2020 yil boshida boshlanadi. Unda SFI Lero shtab-kvartirasi joylashgan Limerik universiteti (UL), Trinity kolleji Dublin, Irlandiya Milliy universiteti va Dublin Siti universiteti tadqiqotchilari ishtirok etadi.
Lero direktori professor Brayan Fitsjerald (yuqoridagi rasmda) “Izlanishga asoslangan innovatsiyalarning uzoq tarixiga ega kompaniya sifatida biz Huawei bilan ushbu dasturda hamkorlik qilishni intiqlik bilan kutamiz” dedi.
Lero va Huawei rejalariga ko‘ra, alyans dasturiy ta’minotni ishlab chiqish sohasida bir qator ilg‘or tadqiqot loyihalarini tayyorlaydi, so‘ngra bilimlarni uzatish bo‘yicha maxsus seminarlar va yirik jurnallarda nashrlar chop etiladi. Avgust oyida Huawei kelgusi uch yil ichida Irlandiyada tadqiqot va ishlanmalarga 70 million yevro sarmoya kiritishini e’lon qilgan edi.
Manba: 3dnews.ru