Alibaba Group Holdings Ltd kompaniyasi ishlab chiquvchilari o‘z protsessorlarini taqdim etdilar, u mashinani o‘rganish uchun ixtisoslashtirilgan yechim bo‘lib, bulutli hisoblash bo‘limi tomonidan taqdim etilayotgan xizmatlar sifatini oshirishda foydalaniladi.
Hanguang 800 deb nomlangan taqdim etilgan mahsulot kompaniyaning o‘zi ishlab chiqqan birinchi sun’iy intellekt protsessori bo‘lib, u allaqachon Alibaba tomonidan mahsulotlarni qidirish, tarjima qilish va elektron tijorat gigantining veb-saytlarida moslashtirilgan tavsiyalarni qo‘llab-quvvatlash uchun foydalaniladi.
“Hanguang 800’ning ishga tushirilishi bizning joriy va rivojlanayotgan biznesimizni harakatga keltiradigan va energiya samaradorligini oshiradigan hisoblash imkoniyatlarini kengaytiradigan yangi avlod texnologiyalariga intilishdagi muhim qadamdir”, dedi Alibaba bosh direktori Jeff Chjan.
Kompaniya matbuot xizmati Alibaba hozirda Hanguang 800 ni mustaqil tijorat mahsuloti sifatida sotishni rejalashtirmaganini ta`kidladi. Protsessorni ishlab chiqish bilan 2017-yilda ish boshlagan Alibaba ilmiy-tadqiqot instituti DAMO akademiyasi mutaxassislari hamda kompaniyaning yarimo‘tkazgichlar bo‘limi muhandislari shug‘ullanishdi.
Ta’kidlash joizki, Alphabet Inc va Facebook Ink kabi ba’zi texnologik gigantlar sun’iy intellekt bilan bog‘liq vazifalar uchun ma’lumotlar markazi ish faoliyatini yaxshilash uchun o‘z protsessorlarini ham ishlab chiqmoqda.
Canalys tahliliy kompaniyasi ma'lumotlariga ko'ra, Alibaba'ning Xitoy bozorida bulutli hisoblash bozorida raqobatchilari yo'q. Tahlilchilarning hisob-kitoblariga ko'ra, joriy yilning birinchi choragida Alibaba Xitoyda bulutli hisoblash bozorining 47 foizini egallagan.
Manba: 3dnews.ru