Facebook kompaniyasi Giphy animatsion tasvirlarni qidirish va saqlash servisini sotib olgani ma`lum bo'ldi. Facebook Giphy kutubxonasini Instagramga (bu yerda GIFlar ayniqsa Storiesda keng tarqalgan) va uning boshqa xizmatlariga chuqur integratsiyalashishi kutilmoqda. Kelishuv summasi Facebook’ning rasmiy bayonotida e’lon qilinmagan bo‘lsa-da, Axios ma’lumotlariga ko‘ra, bu taxminan 400 million dollarni tashkil etadi.
"Instagram va Giphy-ni birlashtirib, biz foydalanuvchilarga Stories va Direct-da tegishli GIF va stikerlarni topishni osonlashtiramiz", deb yozadi Facebook kompaniyasining mahsulot bo'yicha vitse-prezidenti Vishal Shoh o'z blogida.
Eslatib o‘tamiz, Facebook so‘nggi bir necha yil ichida o‘z xizmatlari bo‘ylab GIF-larni qidirish va qo‘shish imkoniyatini ta’minlash uchun Giphy API’dan foydalanmoqda. Facebook maʼlumotlariga koʻra, Giphy’ning kunlik trafikining taxminan 25 foizini Instagram’ning oʻzi, kompaniyaning boshqa ilovalari esa trafikning yana 25 foizini tashkil qiladi. Kompaniya e'lonida ta'kidlanishicha, Facebook kelajakda Giphy xizmatini yanada kengroq ekotizim uchun ochiq qilishda davom etadi.
Foydalanuvchilar hali ham GIF-fayllarni yuklashlari va baham ko‘rishlari mumkin bo‘ladi. Ishlab chiquvchilar va xizmat ko‘rsatish bo‘yicha hamkorlar GIF-lar, stikerlar va kulgichlarning ulkan kutubxonasiga kirish uchun Giphy API-dan foydalanishda davom etishlari mumkin. Giphy hamkorlari orasida Twitter, Slack, Skype, TikTok, Tinder va boshqalar kabi mashhur xizmatlar mavjud.
Manba: 3dnews.ru