Huawei P30 smartfonlar oilasining chiqarilishiga bag‘ishlangan tadbirda Xitoy kompaniyasi Koreyaning yuqori sifatli quyoshdan saqlaydigan ko‘zoynak va optik ko‘zoynaklar ishlab chiqarishga ixtisoslashgan Gentle Monster moda brendi bilan o‘zining birinchi aqlli ko‘zoynaklari – Smart Eyewear’ni yaratish uchun hamkorlik qilishini ma’lum qildi.
Gentle Monster brendining hashamatli ko'zoynaklari Osiyoda juda mashhur. 2011-yilda tashkil etilgan kompaniya ko‘p jihatdan eksperimental dizayni tufayli jadal rivojlanmoqda. Uning bosh direktori Hankook Kim aqlli ko'zoynaklarni taqdim etishda namoyish etgan ko'rgazma zallari ko'proq san'at galereyalariga o'xshaydi.
Yangi Huawei mahsuloti modaga e'tibor qaratadi. Smart Eyewear aqlli ko‘zoynaklarida kameralar yoki ekranlar yo‘q, bu ularni oddiy quyoshdan saqlaydigan ko‘zoynaklarga o‘xshatadi.
Telefon qo'ng'irog'iga javob berish yoki ovozli yordamchiga kirish uchun aqlli ko'zoynak egasi o'z chakkasiga tegishi kerak. Qurilmada dinamiklar va ikkita mikrofon mavjud. Aqlli ko‘zoynaklar simsiz zaryadlashni qo‘llab-quvvatlaydigan 2200 mA/soat akkumulyatorli korpus yordamida yoki USB-C porti orqali quvvatlanadi. Yangi mahsulot IP67 standartiga muvofiq chang va namlikdan himoyalangan.
Qurilmaning narxi hozircha noma'lum. Ma`lum qilinishicha, Huawei Smart Eyewear shu yilning iyun yoki iyul oylarida bir nechta versiyalarda chiqariladi.
Manba: 3dnews.ru