Xitoyning Huawei telekommunikatsiya giganti joriy yil oxirigacha Rossiyada o‘zining musiqiy xizmatini ishga tushirishni rejalashtirmoqda, deb xabar bermoqda “Kommersant” gazetasi.
Gap Huawei Music striming platformasi haqida bormoqda. Ish sxemasi musiqa va videokliplarga oylik obunani o'z ichiga oladi. Qayd etilishicha, xizmatlar narxi Apple Music va Google Play’ning tegishli takliflari bilan taqqoslanadi.
Huawei Music xizmati Huawei Cloud bulutli infratuzilmasi tomonidan qo‘llab-quvvatlanadi. Xitoy kompaniyasi hozirda treklar katalogini yaratish bo‘yicha xalqaro musiqiy leybllar bilan muzokaralar olib bormoqda.
Yangi musiqa xizmatiga kirish uchun ilova Huawei va uning singlisi Honor brendi smartfonlariga oldindan o‘rnatiladi. Ushbu qurilmalar Rossiyada juda mashhur va shuning uchun Huawei Music xizmati qisqa vaqt ichida juda ko'p obunachilarga ega bo'lishi mumkin.
Biroq, ayrim ekspertlarning fikricha, Huawei Rossiya musiqa xizmatlari bozoriga kirishda kechikdi. Shuning uchun tegishli taklifdan olinadigan foyda unchalik katta bo'lmasligi mumkin.
Qanday bo'lmasin, Huawei xizmatning yaqinlashib kelayotgan ishga tushirilishi haqida hali rasmiy izoh bermadi.
Manba: 3dnews.ru