Hindiston kosmik tadqiqotlar tashkiloti (ISRO) chorshanba kuni Bangalordagi tadbirda Gaganyaan missiyasi doirasida koinotga jo‘natmoqchi bo‘lgan insonsimon robot Vyommitrani taqdim etdi.
Ayol qiyofasida yaratilgan Vyommitra roboti (viom fazo, mitra xudo degani) shu yil oxirida uchuvchisiz kosmik kemada koinotga chiqishi kutilmoqda. ISRO 2022-yilda boshqariladigan kosmik kemani uchirgunga qadar uchuvchisiz transport vositalarining bir nechta sinov parvozlarini amalga oshirishni rejalashtirmoqda.
Taqdimotda robot yig‘ilganlarni “Salom, men Vyommitraman, birinchi yarim gumanoid prototip” degan so‘zlar bilan salomlashdi.
“Robot yarim gumanoid deb ataladi, chunki uning oyoqlari yo'q. U faqat yon tomonga va oldinga egilishi mumkin. Robot ma’lum tajribalar o‘tkazadi va ISRO qo‘mondonlik markazi bilan doimo aloqada bo‘ladi”, deb tushuntirdi Hindiston kosmik agentligi mutaxassisi Sem Dayal.
Manba: 3dnews.ru