Kecha Redmi brendi Pekinda yangi qurilmalar taqdimotiga bag'ishlangan tadbir o'tkazdi. Xiaomi Group vitse-prezidenti va Redmi brendi bosh direktori Lu Veybing ikkita yangi smartfon – Redmi Note 7 Pro va Redmi 7 taqdim etdi. Shuningdek, Redmi AirDots simsiz quloqchinlari va Redmi 1A kir yuvish mashinasi ham e’lon qilindi.
Taqdimot yakunlangach, Lyu Veybing bayonot berib, foydalanuvchilarni kelajakda Redmi brendi ostidagi qurilmalar narxi oshishi haqida ogohlantirdi.
“Dastlab Redmi 1000 yuan (taxminan 149 dollar) ostida bo'lgan qurilmalar uchun brend edi. Endi narx darajasi 1599 yuanga (taxminan 238 dollar) ko'tarildi va kelajakda o'sishda davom etadi. Biz narxni asta-sekin 2000 yuanga (taxminan 298 dollar) yoki hatto 2500 yuanga (taxminan 372 dollar) oshiramiz”, — deya taʼkidladi top-menejer.
Lu Veybing shuningdek, Redmi brendi ostidagi qurilmalarning sifati va narxi oshishi bilan ular Xiaomi mahsulotlari bilan qisman mos kelishini tan oldi. Biroq, xususiyatlar bo'yicha murosalar bo'ladi. Oddiy qilib aytganda, Redmining maqsadi Xiaomi kompaniyasining o'z qurilmalarida pul uchun eng yaxshi qiymatga erishish strategiyasini davom ettirishdir.
Manba: 3dnews.ru