Joriy chorakda global miqyosda noutbuk kompyuterlariga talab keskin ortadi, deya xabar beradi Tayvanning nufuzli DigiTimes resursi.
Sababi yangi koronavirusning tarqalishi. Pandemiya ko'plab kompaniyalarni xodimlarni masofaviy ishlashga o'tkazishga majbur qildi. Bundan tashqari, butun dunyo bo'ylab fuqarolar o'zlarini izolyatsiya qilishmoqda. Va bu portativ tizimlarga talabni oshirdi.
Tahlilchilarning prognozlariga ko'ra, joriy yilning ikkinchi choragida noutbuklar yetkazib berish har chorakda 40 foizdan oshadi.
Qayd etilishicha, hozirda noutbuklar masofaviy ishlash uchun ham, masofaviy oβqitish uchun ham talabga ega.
Umuman shaxsiy kompyuterlar bozoriga kelsak, pasayish kuzatildi. Buning sababi, korporativ mijozlar uskunani yangilash dasturlarini muzlatib qo'ygan yoki butunlay bekor qilgan.
Gartner ma'lumotlariga ko'ra, joriy yilning birinchi choragida 51,6 million shaxsiy kompyuter sotilgan. Taqqoslash uchun: bir yil avval yetkazib berish 58,9 million donani tashkil qilgan. Shunday qilib, pasayish 12,3% ni tashkil etdi. Qayd etilishicha, bu etkazib berishning 2013 yildan beri eng jiddiy qisqarishi hisoblanadi.
Manba: 3dnews.ru