Samsung Electronics kompaniyasi o‘z-o‘zidan boshqariladigan va elektr transport vositalarida foydalanish uchun mo‘ljallangan yangi yarimo‘tkazgichli mahsulotlarni taqdim etdi.
Yechimlar Myunxendagi (Germaniya) Samsung Foundry Forum (SFF) 2019 tadbiri doirasida namoyish etildi. Yangi chiplar Yevropa, Yaqin Sharq va Afrikadagi avtomobilsozlik sanoati uchun moʻljallangan.
Samsung, xususan, 5G, narsalar interneti (IoT) va yuqori unumdorlikdagi hisoblash (HPC) asosidagi yechimlarni joylashtirish uchun asosiy texnik elementlarni birlashtirgan innovatsion platformalarni namoyish etdi. Ushbu platformalar aqlli avtomobillar segmentida talabga ega bo'ladi.
Hozirda Samsung avtomobilsozlik sohasi uchun haydovchilarga yordam berish tizimlari va axborot-ko‘ngilochar tizimlari uchun mahsulotlar kabi bir nechta yarimo‘tkazgichli mahsulotlar ishlab chiqaradi.
Samsung kompaniyasining avtomobil mahsulotlari hozirda 28nm FD-SOI jarayoni va 14nm texnologiyasidan foydalanadi. Samsung tez orada 8 nanometrgacha bo‘lgan texnologik jarayonlarga asoslangan yechimlarni taqdim etishni rejalashtirmoqda.
Samsung shuningdek, avtomobil sanoatida muhim ahamiyatga ega bo'lgan funksional xavfsizlik va komponentlarning ishonchliligiga alohida e'tibor beradi, chunki har qanday nosozlik avariya, jarohat yoki boshqa jiddiy oqibatlarga olib kelishi mumkin.
Manba: 3dnews.ru