Xitoyning Xiaomi kompaniyasi kutilganidek, bugun 2019 yilgi modellar qatoriga kiruvchi yupqa va yengil Mi Notebook Air portativ kompyuterini taqdim etdi.
Yangi mahsulot butunlay metall korpusda minimalist dizaynga ega. Ekranning diagonali 12,5 dyuym va Full HD piksellar soniga ega (1920 × 1080 piksel). Displey atrofidagi yon ramkalarning kengligi atigi 5,71 millimetrni tashkil qiladi.
Noutbukning "yuragi" sakkizinchi avlod Intel Core protsessoridir: modifikatsiyaga qarab, Core m3 yoki Core i5 chipi ishlatiladi. Operativ xotira miqdori 4 GB, flesh-diskning sig'imi 128 GB yoki 256 GB.
Mi Notebook Air 2019 modeli yoritilgan klaviatura, ikkita dinamikli Harman audiotizimi, bitta simmetrik USB Type-C porti, ikkita USB Type-A porti va standart 3,5 mm audio uyaga ega.
O'lchamlari 292 × 202 × 12,9 mm, vazni - atigi 1,07 kilogramm. Energiya zaxirangizni 0% dan 50% gacha to'ldirish uchun taxminan 35 daqiqa vaqt ketadi. Ikkita rang varianti mavjud - kumush va oltin.
Asosiy konfiguratsiyalar uchun narxlar quyidagicha:
- Core m3 protsessor va 128 GB xotira – 540 dollar;
- Core m3 protsessor va 256 GB xotira – 600 dollar;
- Core i5 protsessori va 256 GB xotira – 640 dollar.
Manba: 3dnews.ru